ما كتبه -شخص قادم من دبي الى الاردن… رحلة العودة: حاب احكي عن تجربتي بالسفر من دبي ل عمان
اول اشي بتحجز تيكت بعدها بتفتح على visit jordan ولازم من ضمن الخيارات تختار الفندق (كم نجمة )، طبعاً ما في غير خيار واحد الي هو (٥ )نجوم ⭐️ بكلف مبلغ ٤٥٨ دينار بعد ما تخلص بطلعلك qr code لازم يكون معك بالمطار من دبي بتمشي الاجراءات عادي وكأنو مافي اشي والامور سلسة جداً بتوصل عالاردن ؛ بداية البهدلة 👎🏼👎🏼👎🏼👎🏼👎🏼👎🏼 بتصف بطابور ما الو نهاية سواء كان معك اطفال او كبير بالعمر او حوامل وبتستنى الله يفرجها بعد صبر وطولة بال و روح لما الله يفرجها بتفحص كورونا و بتطلع بالباص على امل انك تطلع من المطار لكن وللاسف الشديد الباص بتقعد فيه ٣ ساعات ؛؛؛؛المشكلة مش هون المشكلة الجايين على البلد كل واحد بفندق الباص الي طلعت فيه كان نص لاندمارك ونص كيمبنسكي ولحسن الحظ وصلنا الكيمبنسكي اول لاني مكتوب انزل فيه ولكن لسوء الحظ لازم تستنى كمان ساعتين بالباص ولما يخلصوا الساعتين بتنزل على الفندق على امل انو كل اشي جاهز وعالغرف على طول بس الطامة الكبرى انك كمان لازم تستنى اقل اشي كمان ساعتين على طابور عالرسيبشن ما بشتغل فيه غير ٢ انيّط منهم الله ما خلق ومعصبين فوق هيك كتبت المسج وانا لسا عالطابور وشكلي رح اضل لبكرا عالطابور انا مش متضايق غير من شغلة وحدة وما عندي مانع بكل الي انذكر فوق ولاد الذوات بشو احسن منا ؟ الي انسحبوا من الطوابير قدام عيون الكل ، والي طلع من الحجر عالبيت دغري ولاد الذوات يطلعوا دايركت ؟والعجوز الي على كرسي او حامل او الي معو اطفال يلتعن ابو الي جاب ابوه ؟ قسماً بالله كرهتونا بالبلد والرجعة عالبلد والواحد لو عليه بختار كرامتو على العالم كلو تعامل وكأنك اجرب وجاي زي كأنهم متصدقين عليك تفوت البلد من زكاة اموالهم طبعاً الفنادق ما بعرف على شو ٥ نجوم المفروض يكونو محضرين حالهم في عالم جايين عليهم مش يبلشوا يشتغلوا وتشيك ان لمليون واحد وتقعدهم طابور الواحد اذا ما لقط الكورونا وهو مسافر بلقطها بالمطار واذا مش بالمطار بلقطها بالفندق حسبي الله ونعم الوكيل بكل مسؤول نايم ومش سائل عن البهدلة الي بتصير للاردنيين
عالم السياحة:صيدنا-واتس اب